راع الهوى ماجد خضير تحميل أغنية Majed Khudair mp3 ecout أغاني ماجد خضير كلمات الأغنية كم بلع من قريب و من صحيب ووليف
راع الهوى ماجد خضير
كلمات اغنية انا شاعر ضمير و قلب . . قبل اللسان
فيه نبرة صهيل وْوسط صدره هريف
لو يهجرس فـ بابل . . يسمعونه عمان
ومسقط الراس من واد الرشا لعفيف
يشرب اللي عليها .. الهيل و الزعفران
و ياكل القلب ما ياكل عجين الرغيف
دونه الاسم رده . . غناة الهوان
ياخذ العز مر . . وياخذ الضحك طيف
كن راسه من اعراض الفكر برلمان
بين حزبٍ دمقراطي و حزبٍ عنيف
للمصايب شجاع و للنقايد جبان
جعل ماهو على الثنتين هذي بضيف
حطه الوقت ما بين الخطر والامان
عايشٍ في صراعٍ ما يحله جنيف
بين مبرك بعير و بين طمرة حصان
كم بلع من قريب و من صحيب ووليف
اغرزوا وسط صدره مثل روس السنان
يوجعْه جرحهم ويقول : عادي .. طفيف
لين من دبلة الكبد و غياب الثمان
بدل العقل فعل .. و بدل الصفح سيف
من زعل ؟ قال : راسك والحصى يا فلان
منت جدي بجاد ولا انت خالي منيف
غير غروٍ ليا منه قسى معْه . . لان
اثر راع الهوى مهما تقوا ضعيف ؟!
يا حبيبي عليك من المشاعر ضمان
يوم مالك شريك و يوم مالك وصيف
يا ذهاب العقول برحلة الغيهبان
لو يجيك الثقيل يصير عقله خفيف
بين سحر الجمال و بين سحر البيان
سامعٍ بك اصم .. و مبصرٍ بك كفيف
يا شموخ الشيوخ . . و يا ليان الحسان
يا عيون المُهيب . . و يا ملامح لطيف
خذْت من عنفوان الجامحه عنفوان
و من ركادة تبختر الاصيل العسيف
فيك من دم نجد و فيك وصف اصفهان
في قبالك ربيع . . وفي غيابك خريف
موجدة بسمتك بين المذاهب مكان
مذهبٍ ماْعرفه . . لْكن شكله نظيف
القلوب الخضر تجيه قبل الاذان
من مطوّع بريدة لين سيد القطيف
معك مفتاح عشقٍ كنه الصولجان
ما يفوقه سوا مفتاح عند الشريف
اخذني من متاهات الفكر و الزمان
تحت عنقٍ طويل وْوسط شعرٍ كثيف
و اعتبر في عناقك .. روح و امن و حنان
.. ‘ كنني معتنق اركان دينٍ حنيف
أغاني خليجية
استماع song
النسخة الأصلية MP3
